Son.az xəbər verir ki, tahin antiinflamatuar xüsusiyyətləri ilə immuniteti gücləndirir, xolesterol səviyyəsini azaldır və ürək xəstəlikləri ilə insult riskini minimuma endirir. İçindəki kalsium və maqnezium qan təzyiqinin tənzimlənməsində təsir göstərir.

Ənənəvi təbii üsullarda istifadə olunan tahin və limon qarışığı, enerji səviyyəsini artırır, yorğunluğu azaldır və həm kişilərdə, həm də qadınlarda mayalanmanı dəstəkləyir.

Tahin B vitamini ilə zəngindir, hüceyrələri yeniləyərək saçların parlaq olmasına kömək edir. İçərisindəki sink isə kollagen istehsalını dəstəkləyərək dərinin sağlam qalmasına kömək edir.

Küncüt toxumları, E vitamini, amin turşuları və yağ turşuları ilə zəngindir, bu da dəridə erkən yaşlanma əlamətlərini azaldır və hüceyrələrin yenilənməsini təşviq edir.

Tahin Omega 3 və Omega 6 yağ turşuları ilə sinir hüceyrələrinin sağlam işləməsini dəstəkləyir, yaddaşı gücləndirir və beyin fəaliyyətinə müsbət təsir göstərir.

Tahin kalsium, fosfor, maqnezium, dəmir və kalium baxımından zəngindir. Bu minerallar sümüklərin, əzələlərin və digər bədən funksiyalarının sağlamlığı üçün vacibdir.

Xüsusilə vegan və ya vegeterian qidalananlar üçün tahin, dəmir alımını artıraraq qan istehsalına və oksigen daşınmasına kömək edir.

Tahin E vitamini və antioksidantlarla zəngindir, bu da immuniteti gücləndirir və sərbəst radikallara qarşı müdafiə təmin edir.

Lif baxımından zəngin olması səbəbindən həzm sistemi üçün faydalıdır, bağırsaq hərəkətlərini təşviq edir və qəbizliyi azaldır.

İçərisindəki lizin kollegen istehsalını dəstəkləyərək dərinin elastikliyini qoruyur.

Tahini balanslı qidalanma çərçivəsində müntəzəm istehlak etmək tövsiyə olunur. Lakin yüksək kalorili olduğundan miqdarı nəzarətdə saxlanmalıdır, xüsusilə kilo kontrolu zamanı.

Küncütə qarşı allergiyası və ya tahinə qarşı həssaslığı olan şəxslər diqqətli olmalıdır. Hər hansı bir sağlamlıq problemi və ya xüsusi diyet mövcuddursa, əvvəlcə həkimlə məsləhətləşmək vacibdir. Lalə Qüdrətova Son.az