Azərbaycanda Ramazan ayı qızıl bazarına necə təsir edir?
Digərləri 21 Fev 2026 10:27:00 231 0
Azərbaycanda Ramazan ayının qızıl bazarına təsiri əsasən satış həcmi (tələbat) üzərindən özünü göstərir, qiymətlərin formalaşmasına isə daha çox qlobal bazarda müşahidə olunan meyillər təsir edir.
Bunu Son.az-a açıqlamasında Azərbaycan Zərgərlər Assosiasiyası İdarə Heyətinin sədrinin müavini, iqtisadçı Rövşən Əmircanov deyib.
O bildirib ki, yerli zərgərlik bazarında satışların əsas hissəsi toy və ailə mərasimləri ilə bağlı olduğundan, ilin ayrı-ayrı dövrlərində bazar aktivliyi fərqli olur.
"Belə ki, bəzi dövrlərdə (məsələn, 8 Mart və Novruz bayramı ərəfəsində) satışlarda artım müşahidə edildiyi halda, bəzi dövrlərdə əksinə, bazar fəallığı azalır. Ramazan ayında toy məclislərinin sayının azalması ilə əlaqədar olaraq zərgərlik bazarında alıcılıq qabiliyyətində təxminən 40-60 faiz intervalında azalma müşahidə oluna bilər.
Eyni zamanda, spot qızılın qiymətinin hazırda təxminən 5000 ABŞ dolları/unsiya ətrafında olması daxili bazarda qiymətlərin yüksək səviyyədə qalmasını şərtləndirən əsas amillərdən biri hesab olunur. Xalis metal üzrə 1 qram qızılın rəsmi dəyəri unsiyanın qram ekvivalentinə əsasən təxminən 270 AZN təşkil edir. Yerli bazarda isə satış qiymətləri əyyar dərəcəsindən, emal səviyyəsindən və satış şərtlərindən asılı olaraq dəyişir. Hazırda 585 əyyar qızılın satış qiyməti təxminən 180-200 AZN, 750 əyyar qızılın satış qiyməti 240-280 AZN, daha yüksək əyyarlı qızıl məmulatlarının satış qiyməti isə təxminən 300 AZN və yuxarı səviyyədə formalaşır".
R.Əmircanov qeyd edib ki, daxili bazara təsirin mahiyyəti ondan ibarətdir ki, Azərbaycanda qızıl məmulatlarının pərakəndə satış qiyməti yalnız xalis metalın dəyəri ilə müəyyən olunmur.
"Qiymətlərin formalaşmasına məhsulun hazırlanma və işlənmə səviyyəsi, dizayn xüsusiyyətləri, əlavə komponentlərin dəyəri, tədarük və satış xərcləri, eləcə də satış məntəqələrinin qiymət siyasəti də əhəmiyyətli təsir göstərir. Bu səbəbdən qlobal bazarda qızılın qiyməti artdıqda daxili bazarda da qiymət artımı müşahidə olunsa da, pərakəndə satış qiymətlərinin dəyişmə tempi bəzi hallarda birja göstəricilərindən fərqlənə bilər. Nəticə etibarilə, Ramazan ayında Azərbaycanda qızıl bazarında adətən satış həcminin azalması müşahidə olunur, lakin qiymətlərin səviyyəsi daha çox qlobal qızıl bazarındakı dəyişikliklərlə müəyyən edilir. Bu baxımdan, Ramazan ayının təsiri əsasən tələbat və dövriyyə üzərində özünü göstərir, qiymət formalaşmasında isə əsas rol xarici bazar amillərinə məxsus olur", - deyə R. Əmircanov qeyd edib.
Ayxan Son.az
Fevralın 20-də ölkə ərazisində qeydə alınan 72, əvvəlki dövrlərdən
Astroloji proqnozlara görə, 2026-cı il bəzi bürclər üçün maliyyə baxı
Yevlax Rayon Məhkəməsi vergi orqanının müraciəti əsasında Xaldan bələ
Dəri baxımı mütəxəssisləri və dermatoloqlar xüsusilə çənə xətti bo
Ohayo lotereyasında 22 il boyunca eyni rəqəmlərlə kupon dolduran şəxs, n�
Göyərtilərin, xüsusilə də cəfərinin tez saralması mətbəxdə ən çox
Bəzi insanlar anadangəlmə hədəf yönümlü və intizamlı olurlar. Astroloq
Sahurda alma sirkəsinin istehlakı qan şəkəri səviyyəsinin sürətlə qalx
Daim üşümək ciddi xəstəliyin əlaməti ola bilər.
Alimlər müəyyən ediblər ki, erkən yaşlarda tez-tez hazır əriştə, şir
Ramazan ayı həm mənəvi, həm də fiziki yenilənmə dövrüdür. Oruc tutark
Tez-tez təkrarlanan soyuqdəymənin gözlənilməz səbəbi açıqlanıb.
Xəbər verdiyimiz kimi, bloqer Çelsi Baxşıyeva Fövqəladə Hallar Nazirliyi
