Onlayn qumar və kazino oyunları təşkil edən daha iki dəstə tutuldu
Digərləri 25 Noy 2025 16:47:00 55 0
Qanunsuz onlayn qumar və kazino oyunları təşkil edən daha iki dəstə saxlanılıb.
Son.az Daxili İşlər Nazirliyinə (DİN) istinadən xəbər verir ki, Kibercinayətkarlıqla Mübarizə Baş İdarəsi (KMBİ) tərəfindən sosial şəbəkələrdə qanunsuz onlayn qumar və kazino oyunları təşkil edən şəxslərə qarşı əməliyyat-texniki tədbirlər davam etdirilir.
Kiberpolisin keçirdiyi növbəti əməliyyatlar zamanı qeyd edilən cinayət əməllərində şübhəli bilinən Siyasət Rəcəbov, tanışı İslam Rzayev, həmçinin Şikar Əliyev, Rəsul Həşimov və onların rəhbərlik etdikləri dəstənin digər üzvləri Həsən İtirov, Qoşqar Əlizadə və Kənan Osmanlı saxlanılıblar.
Araşdırmalarla məlum olub ki, adları sadalanan şəxslər müxtəlif xarici ölkələrdə fəaliyyət göstərən qanunsuz qumar, idman mərc oyunlarının keçirildiyi "fastloto.com" və "chcplay.net" internet saytlarının təşkilatçıları ilə cinayət əlaqəsi yaradıb həmin səhifələrdə olan qumar oyunlarında iştirak hüququ verən onlayn link və kodlar alaraq virtual kassa qurublar.
Daha sonra dəstə üzvləri onlarla əlaqə saxlayan ölkə vətəndaşlarını onlayn ödənişlər müqabilində sosial şəbəkələrdə açdıqları "Batumi Kazino", "Priz Kazino" və s. səhifələr vasitəsi ilə qanunsuz kazino və mərc oyunlarına cəlb ediblər.
Saxlanılan şəxslərin paytaxtın Xətai, Yasamal və digər ərazilərində olan ofis və mənzillərinə baxış zamanı çoxsaylı elektron sübutlar, bank kartları, mobil nömrələr və iş üçün əhəmiyyət kəsb edən digər sübutlar aşkarlanıb. Dəstə üzvlərindən götürülən bank kartlarının ayrı-ayrı şəxslərdən müxtəlif ödənişlər qarşılığında alınaraq qanunsuz pul köçürmələrində istifadə edildiyi müəyyən olunub.
Faktlarla bağlı Baş İdarədə Cinayət Məcəlləsinin müvafiq maddələri ilə cinayət işləri başlanılıb.
S.Rəcəbov, İ.Rzayev, Ş.Əliyev və R.Həşimov təqsirləndirilən şəxs qismində istintaqa cəlb edilərək barələrində məhkəmənin qərarı ilə həbs qətimkan tədbiri seçilib.
"Bir daha vətəndaşları sosial şəbəkələrdə qarşılaşa biləcəkləri qanunsuz mərc və qumar oyunlarında iştirak etməməyə çağırırıq. Bildiririk ki, əks halda kiberdələduzluq halları ilə üzləşə, bank hesablarınızda olan pul vəsaitlərinizi itirə və bu qanunsuz oyunlarda iştiraka görə məsuliyyətə cəlb oluna bilərsiniz", DİN-in məlumatında deyilir.
2025-2026 tədris ili üzrə 63 özəl məktəbəqədər təhsil müəssisəsin�
Qardaşı şəhid olduqdan sonra səhnədən uzaqlaşan Xana Babayevanın (Xanı
Xəbər verdiyimiz kimi, Bakıda 3 gün əvvəl itkin düşən 62 yaşlı Kutais
Paytaxtın Səbail rayonunda qeydiyyat nişanı olmadan idarə edilən avtomobil
Zabrat 2 qəsəbəsində yerləşən Əlillər binasında vətəndaşlar istiliy
Kanal D-də yayımlanan "Uzak Şehir" serialının son yayımlanan ser
Azərbaycan Respublikasının Cinayət Məcəlləsinin sülh və insanlıq əley
"Riskə gedib plug-in hibrid almağınız mənasızdır".
Ukrayna Rusiyanın Rostov vilayətinin Taqanroq şəhərinə kütləvi dron hüc
Bakı Müasir Musiqi Cəmiyyəti Cadenza orkestrinin iştirakı ilə 29 noyabr s
Ləman anasını öldüyünü bilmədiyi üçün həkimlər onu ayılmağa qoymu
İstanbul bələdiyyəsində korrupsiya işi ilə bağlı ittihamnamə məhkəm�
Bruney-Darüssalamın Sultanı Hacı Həssənal Bolkiah Azərbaycan Prezidenti �
Azərbaycanın 1-ci dövlət katibi, mərhum akademik Tofiq İsmayılovun dələ
