Hansı doğum tarixləri böyüklüyü müəyyən edir? Son.az həmin tarixləri təqdim edir.

8-də doğulanlar - 8 rəqəmi hakimiyyət, ambisiya və maliyyə uğuru ilə sıx bağlıdır. Bu tarixdə doğulanların biznesə, sərvət toplamağa və liderliyə təbii meyilli olduqları güman edilir. Onlar resursları idarə etmək, düzgün qərarlar qəbul etmək və firavan həyat qurmaq qabiliyyətinə malik vizionerlər kimi görülürlər. Bundan əlavə, 8 rəqəmi tarazlıq və karmanın simvoludur. Bu da o deməkdir ki, bu tarixdə doğulanlar üçün balans qanunlarını nəzərə almaq vacibdir: bu gün edilən hərəkətlər gələcəkdə yaxşıya da, pisə də, əks-səda verəcək.

11-də doğulanlar - 11 rəqəmi nümerologiyada "usta rəqəm" hesab olunur və sadə rəqəmlərlə müqayisədə daha yüksək enerji daşıyır. Bu gün doğulanların güclü intuisiya və mənəvi aləmlə təbii bağlılığa malik olduqları deyilir. Onları vizioner liderliklə əlaqələndirirlər, çünki onlar açıq-aşkardan kənara baxaraq bütöv mənzərəni görə bilirlər. Bu rəqəm yüksək həssaslıq və empatiya ilə də bağlıdır. Bu isə onlara daha mənəvi bir yol və zənginlikdən kənara çıxan bir həyat missiyası verir. Bununla belə, maddi uğurlar da onlar üçün əlçatandır başqaları ilə ünsiyyət qurmaq və onları yeni istiqamətlərə aparmaq bacarıqları onlara həm də maliyyə uğuru gətirə bilər.

3-də və 6-da doğulanlar - həm 3, həm də 6 rəqəmi yaradıcılıq və özünüifadə ilə bağlıdır. Bu tarixlərdə doğulanlar həyatda innovativ baxışa sahibdirlər və sənət, yaradıcılıq sahələrində seçilə bilərlər. Onlar parlaq enerjiyə, ünsiyyət bacarığına malikdirlər və bu da onlara sənət, yazıçılıq və ya vizual ifadə vasitəsilə qeyri-ənənəvi yollardan gəlir qazanmağa imkan verir.

3 rəqəmi optimizm və genişlənməni simvolizə edir. Bu tarixdə doğulanlar həm mənəvi, həm də maddi baxımdan böyümə imkanlarını cəlb edirlər.

6 rəqəmi harmoniya və balansla bağlıdır. Bu isə o deməkdir ki, həmin tarixdə doğulanlarda münasibətlərdə və maliyyə məsələlərində tarazlıq saxlamağa dərin meyl olur. /lent.az