Budur, başınızı bəlaya sala biləcək ən təhlükəli bürclər...

Bəziləri sirli davranışları ilə, bəziləri isə sözləri ilə sizi təsir altına alır. Əvvəlcə cazibələri ilə sizi valeh etsələr də, sonradan başınızı dərddən çıxarmırlar.

Əqrəb bürcü

23 oktyabr - 21 noyabr tarixlərində doğulanlar Əqrəb bürcünə aiddir. Əqrəblər duyğusal, ehtiraslı, sadiq, müşahidəçi və təsirli xüsusiyyətləri ilə seçilirlər. Lakin qürurlarına toxunulduqda çox həssas olurlar.

Əqrəb insanı dərin duyğulara sahibdir. Amma bir dəfə güvənsizlik hiss etsə, hər şey çətinləşir. Qısqanclıq, intiqam və manipulyasiya bu bürcün qaranlıq tərəfləridir. Duyğularıyla sizi sarır, sonra isə nəyə uğradığınızı anlamırsınız. Dost olsalar sirrinizi qoruyarlar, amma düşmən olsalar həmin sirr sizi çökdürə bilər. Yəni Əqrəb bürcündən nə sevgili, nə də dost olar.

Əkizlər bürcü

21 may - 21 iyun tarixlərində doğulanlar Əkizlər bürcünə aiddir. Əkizlər enerjili və çoxşaxəli xarakterləri ilə diqqət çəkirlər. Hərəkətli həyat tərzini sevən Əkizlər hər yerdə şən və yaxın davranışları ilə fərqlənirlər.

Əkizlər insanı ağıllı, əyləncəli, danışqan, amma bir o qədər də dəyişkəndir. Bugün sizə aşiq görünə bilər, sabah başqa macəraya atıla bilər. Onlara nə dostluqda, nə də sevgidə güvənmək asan deyil. Bir gün gecə boyu dərdləşdiyiniz adam, ertəsi gün sizi tanımaya bilər.

Qoç bürcü

21 mart - 21 aprel tarixlərində doğulanlar Qoç bürcünü təmsil edir. Qoçlar enerjili, cəsarətli və qərarlı olmaları ilə tanınırlar. Ani qərarlar verməkdə və sürətli hərəkət etməkdə ustadırlar. Ümumiyyətlə, müstəqilliklərinə düşkün və öz yollarını çizməyi sevən insanlardır.

Qoçlar lider ruhlu, ehtiraslı, amma səbirsiz və düşünmədən hərəkət edən bürclərdəndir. Onlarla mübahisəyə girsəniz, özünüzü döyüş meydanında tapa bilərsiniz. İstər dostluqda, istər münasibətdə "mən haqlıyam" münasibətləri ilə sizi bezdirə bilərlər. Bu bürclə sakit qalmaq çox çətindir.

Oxatan bürcü

23 noyabr - 21 dekabr tarixlərində doğulanlar Oxatan bürcünə aiddir. Oxatanlar macərapərəstliyi, yenilik axtarışları və nikbinlikləri ilə tanınırlar. Azadlığa düşkün olan Oxatanlar döyüşkən xarakterləri ilə də seçilirlər.

Oxatanlar üçün həyat bir macəradır. Onlar üçün bağlılıq çox vaxt bir yükdür. Nə sevgili kimi sizi qane edərlər, nə də dost kimi dinləyərlər. Bir gün birlikdə plan qurduğunuz insan, səhəri gün təkbaşına başqa ölkədə ola bilər.

Oğlaq bürcü

22 dekabr - 20 yanvar tarixlərində doğulanlar Oğlaq bürcünə aiddir. Oğlaqlar ciddi, çalışqan və məqsədyönlü olduqları ilə tanınırlar. Onlar məqsədlərinə çatmaq üçün səbir və nizam-intizam nümayiş etdirirlər.

Oğlaq bürcü insanı daim məqsədini düşünür, duyğuları arxa plana atır. Onlar üçün hər şey məntiqlə ölçülməlidir. Ən kövrək anınızda belə, sizi anlamaq əvəzinə "özünü ələ al" deyə bilərlər. Münasibətdə "daş divar" kimidirlər; dostluqda isə maraqları bitən kimi yollarını dəyişə bilərlər.

İsmayıl Son.az