Qoç

19 dekabr Qoçlar üçün daxili gərginliyin artdığı bir gündür. Ayın təsiri sizi daha tələskən və emosional edə bilər. Xüsusilə iş yerində və ailə içində ani reaksiya vermək münasibətləri zədələyə bilər. Səbrli davrandıqda isə üstünlük sizin tərəfinizdə olacaq. Gün ərzində aldığınız bir xəbər gələcək planlarınıza yeni istiqamət verə bilər. Axşam saatlarında fiziki hərəkət və ya açıq havada olmaq enerjinizi tarazlayacaq.

Buğa

Buğa bürcləri üçün maliyyə və şəxsi təhlükəsizlik mövzuları ön plana çıxır. Ay sizi daha həssas etdiyi üçün maddi narahatlıqlar emosional yük yarada bilər. Lakin doğru planlama ilə risklərin qarşısını almaq mümkündür. Günün ikinci yarısında yaxın bir insanın dəstəyi sizi rahatladacaq. Səbirli olmaq bu günün əsas açarıdır.

Əkizlər

Ünsiyyət baxımından olduqca aktiv gündür. Ay sözlərin gücünü artırır, lakin yanlış anlaşılma ehtimalını da yüksəldir. Düşünmədən deyilən cümlələr sonradan peşmanlıq yarada bilər. Yazılı işlər, danışıqlar və görüşlər üçün əlverişli gündür. Axşam saatlarında aldığınız bir mesaj sizi sevindirə bilər.

Xərçəng

Ayın idarə etdiyi bürc olaraq bu gün enerjini ən dərin hiss edənlər sizsiniz. Keçmişlə bağlı xatirələr, köhnə münasibətlər və yarımçıq qalan duyğular yenidən gündəmə gələ bilər. Daxili təmizlənmə üçün uyğun gündür. Ailə ilə səmimi söhbət emosional rahatlama gətirəcək. Özünüzə zaman ayırmaq vacibdir.

Şir

Sosial mühitdə parladığınız gündür. Ay sizə diqqət və təsir gücü verir. Dost çevrəsində, kollektiv işlərdə lider mövqeyinə çıxa bilərsiniz. Lakin təkəbbürdən uzaq durmaq lazımdır. Gün ərzində verdiyiniz bir qərar gələcəkdə adınızdan söz etdirə bilər.

Qız

Detallara fokuslanmaq istəyi artır. İş yükü çox olsa da, nəticə əldə etmək mümkündür. Ay sizi daha məsuliyyətli edir, lakin həddindən artıq tənqidçi olmaq psixoloji yorğunluq yarada bilər. Sağlamlıqla bağlı kiçik siqnallara diqqət edin. Axşam saatları daha rahat və məhsuldar olacaq.

Tərəzi

Ay sizə ilham və estetik baxış bəxş edir. Yaradıcılıq, təhsil və səyahət planları gündəmdə ola bilər. Daxili tərəddüdləriniz bu gün daha aydın cavab tapacaq. Münasibətlərdə səmimi dialoq müsbət nəticə verəcək. Gün ərzində təsadüfi bir görüş taleyüklü ola bilər.

Əqrəb

Dərin emosiyalar və güclü intuisiya günü olacaq. Maddi paylaşım, borc və ya miras mövzuları gündəmə gələ bilər. Ay sizi həqiqətlə üz-üzə qoyur. Bu gün verilən qərarlar uzunmüddətli təsir göstərəcək. Daxili səsinizə güvənin, çünki yanılmayacaqsınız.

Oxatan

İkili münasibətlər ön plana çıxır. Partnyorla aranızda açıq danışıq köhnə problemləri həll edə bilər. Subay Oxatanlar üçün isə gözlənilməz tanışlıq ehtimalı yüksəkdir. Ay kompromis tapmaq və anlaşmaq üçün əlverişli enerji yaradır. Gün sizi emosional olaraq böyüdəcək.

Oğlaq

Gündəlik işlər, sağlamlıq və planlama mövzuları aktuallaşır. Ay sizi daha ciddi və məsuliyyətli edir. Bədəninizi və ruhunuzu yormamaq üçün fasilələr vermək vacibdir. Kiçik dəyişikliklər gələcəkdə böyük rahatlıq gətirə bilər.

Dolça

Azadlıq və fərqlilik ehtiyacı artır. Ay sizi yaradıcılığa sövq edir. Risk almaq istəyi yaransa da, hər addımı ölçüb-biçmək vacibdir. Sevgi həyatında sürpriz hadisə mümkündür. Günün sonunda özünüzü daha yüngül hiss edəcəksiniz.

Balıq

Ailə, ev və daxili təhlükəsizlik mövzuları ön plana çıxır. Ay sizə emosional dərinlik qazandırır. Keçmişlə barışmaq, daxili rahatlıq tapmaq üçün ideal gündür. Axşam saatlarında ruhən sakitlik və rahatlama hiss ediləcək. Lalə Qüdrətova Son.az