Son.az bu qidaları təqdim edir:

1. Yağlı və qızardılmış qidalar

Dietoloqlar çox yağlı qidaların - qızardılmış, hisə verilmiş, rafinə olunmuş məhsulların və yarımfabrikatların istifadəsini tövsiyə etmir. Bu qidalara aşağıdakılar daxildir:

•  Qızardılmış kartof,

•  Donuz əti,

•  Burgerlər,

•  Hazır pizzalar,

•  Yağlı ət növləri,

•  Kolbasa və sosislər,

•  Mağazadan alınan pelmenlər

Bu qidalar həddindən artıq sebum (dəri yağı) istehsalına səbəb ola bilər. Bu da gözeneklərin tıxanmasına və infeksiya halında sızanaqların yaranmasına gətirib çıxara bilər.

2. Hazır souslar

Hazır souslar rafinə olunmuş bitki yağları, şəkər, dad artırıcılar və rəngləndiricilər ehtiva edir. Onlar çox yüksək kalorilidir və dərinin yağ balansını pozaraq iltihabi prosesləri artırır.

3. Şirniyyat və rafinə edilmiş şəkərlər

Dietoloqlar bulka, tort, pirojna və digər şirniyyatları məhdudlaşdırmağı tövsiyə edirlər. Çünki şəkər dəri hüceyrələrindən nəmi çəkir, maddələr mübadiləsini zəiflədir və iltihab proseslərini sürətləndirir.

4. Süd məhsulları

Xüsusilə az yağlı süd məhsulları ehtiyatla istehlak edilməlidir.

•  Süd akne və sızanaqların yaranmasına səbəb ola bilər.

•  Az yağlı süd isə bu problemi daha da artıraraq dəridə güclü səpgilərə səbəb ola bilər. 

Ona görə də, problemli dəriyə sahib olan insanlar bu qidaların alternativlərini seçməlidir.

5. Alkoqol

Dietoloqlar bildirir ki, alkoqol bədənə, xüsusilə də dəridə ciddi zərər verə bilər.

•  Alkoqolun toksiki təsiri var və dərinin susuzlaşmasına səbəb olur.

•  Bu da dərinin qurumasına və mikroçatların yaranmasına gətirib çıxarır.

•  Bakteriyaların mövcud olduğu hallarda bu mikroçatlar iltihabi proseslərə səbəb ola bilər.

Dərini təmiz tutmaq üçün necə qidalanmaq lazımdır?

Dərinin sağlam görünməsi üçün qidalanmaya diqqət yetirmək vacibdir.

Kifayət qədər protein (zülal) - məsələn, toyuq, hinduşka və ya dovşan əti.

Tərəvəz və liflə zəngin meyvələr - həzmi yaxşılaşdırır və bədəni toksinlərdən təmizləyir.

Kifayət qədər su - hər kiloya 30 ml su içmək tövsiyə olunur.  

Diqqət:

Şirin meyvələrdən çox istifadə etməyin - məsələn, xurma, əncir, üzüm, qovun və banan. Bunlar dəridə yağlanmanı artıraraq problemlərə səbəb ola bilər. Dəri problemlərindən qaçınmaq üçün bu tövsiyələrə əməl etmək vacibdir. /Lent.az