UNESCO-nun Ümumdünya İrs Komitəsinin iyulun 6-dan 16-dək keçirilən 47-ci sessiyası çərçivəsində müxtəlif tematik tədbirlər təşkil olunub.

Onların arasında iyulun 11-də İçərişəhərin UNESKO-nun Ümumdünya İrs Siyahısına daxil edilməsinin 25-ci ildönümünə həsr olunmuş təqdimat mərasimi xüsusi yer tutub.

Tədbir "İçərişəhər" Dövlət Tarix-Memarlıq Qoruğu İdarəsinin təşəbbüsü, UNESCO üzrə Azərbaycan Respublikası Milli Komissiyası, Azərbaycanın YUNESKO yanında Daimi Nümayəndəliyi və Trend Beynəlxalq İnformasiya Agentliyinin dəstəyi ilə təşkil olunub. Tədbirin mövzusu "Ümumdünya İrsinin Qorunması: Mühafizə və Kommunikasiya Təcrübəsi" idi.

Tədbirə Azərbaycanın UNESCO yanında daimi nümayəndəsi Elman Abdullayev moderatorluq edib.

Tədbir zamanı mədəni irsin qorunması, bərpası və ictimaiyyətə təqdim edilməsi sahəsində beynəlxalq təcrübə, müasir yanaşmalar və kommunikasiya strategiyaları müzakirə edilib. İştirakçılara "İçərişəhər" Dövlət Tarix-Memarlıq Qoruğu İdarəsinin bu sahədə gördüyü işlər və əldə olunan nəticələr təqdim olunub.

Tədbirdə UNESCO Baş Konfransının 42-ci sessiyasının sədri Simona Mirela Mikulesku, Ümumdünya İrs Mərkəzinin direktoru Lazar Eloundou və digər beynəlxalq ekspertlər mədəni irsin təqdimatında medianın rolundan, ictimai kommunikasiya vasitələrinin əhəmiyyətindən və mədəni irsin qorunmasına beynəlxalq yanaşmalardan danışmışlar.

"İçərişəhər" Dövlət Tarix-Memarlıq Qoruğu İdarəsinin İdarə Heyətinin sədri Rüfət Mahmud, UNESCO üzrə Azərbaycan Respublikası Milli Komissiyasının baş katibi Seymur Fətəliyev, UNESCO yanında daimi nümayəndə Elman Abdullayev, İçərişəhər Dövlət Tarix-Memarlıq Qoruğu İdarəsinin Beynəlxalq əlaqələr və protokol şöbəsinin müdiri Tədbirdə Azərbaycan adından çıxış edən Trend İnformasiya Agentliyinin Baş direktorun müavini Elçin Ağacanov İçərişəhərdə aparılan bərpa və konservasiya işləri, kommunikasiya layihələri, mədəni irsin cəmiyyətə inteqrasiyası istiqamətində həyata keçirilən tədbirlər barədə məlumat verib.

Tədbir Azərbaycanın mədəni irsinin beynəlxalq səviyyədə tanıdılması, bu sahədə təcrübə mübadiləsinin gücləndirilməsi və irsin mühafizəsi siyasətində ölkənin mövqeyinin gücləndirilməsi üçün mühüm platformaya çevrilib.