2025-05-09 13:18:00

Naxçıvanda orta məktəb şagirdləri arasında bıçaqlanma hadisəsi baş verib.

2025-05-08 18:06:00

"Azərbaycan Gənclər İttifaqı" İctimai Birliyi və "Azərbaycan Rəqs Assosiasiyası"nın birgə təşkilatçılığı ilə Rəşid Behbudov adına Dövlət Mahnı Teatrında və paralel olaraq Bakı Gənclər Mərkəzində "ART OLİMPİA 2025" incəsənət və rəqs müsabiqəsi keçirildi.  "ART OLİMPİA 2025" müsabiqəsinə Bakı və Sumqayıt şəhərləri ilə yanaşı Ağdaş, Ağdam, Yevlax, Mingəçevir, Oğuz, Şəki, Goranboy və sair bölgələrimizin uşaq musiqi və incəsənət məktəblərindən, mədəniyyət  saraylarından iki mindən çox iştirakçı qatılıb. Bu iştirakçılar iki gün ərzində öz nominasiyaları və yaş qrupları arasında incəsənətin müxtəlif növləri(xalq çalğı alətləri, klassik alətlər, vokal, rəqs, təsviri sənət, bədii qiraət) üzrə gərgin mübarizə aparıblar.  Öz qalibiyyətləri ilə seçilənlər Ağdaş rayon Habil Əliyev adına 1 №-li Uşaq Musiqi Məktəbi, AMK tərkibində İncəsənət Gimnaziyası, Ağdam şəhər C.Qaryağdıoğlu adına UİM, Goranboy rayon Düzqışlaq kənd UMM, rəqs incəsənət növündə isə "Qaval Rəqs Ansamblı", "Grasiya İK" qrupu olub.  Çıxışlarından sonra iştirakçılar "Azərbaycan Gənclər İttifaqı" İctiami Birliyinin sədri Zakir Əliyev tərəfindən təntənəli şəkildə mükafatlandırılıblar. Müsabiqədə xüsusilə fərqlənən iştirakçılar "GRAND PRİX" adına layiq görülüblər. 2 gün paralel olaraq iki fərqli məkanda təşkil olunan irimiqyaslı müsabiqənin sonunda "Azərbaycan Rəqs Asossasiyası"nın prezidenti Əziz Əzizov bildirib: " Bu müsabiqə uşaqlarda mədəniyyətin müxtəlif sahələrinə maraq oyadılması, yaradıcılıq qabiliyyətlərinin inkişaf etdirilməsi, yeni istedadların üzə çıxarılması və dəstəklənməsinə, gənclər arasında mədəni dialoqun formalaşmasına xidmət edir. Biz uşaq və gənclərimizin incəsənətlə iç-içə olmasına vasitəçilik etdiyimiz üçün çox şadıq". Eyni zamanda, Əziz Əzizov çıxışlarına görə bütün iştirakçılara, bədii rəhbərlərə, ədalətli seçimlərinə və yorulmadan böyük zövqlə fəaliyyət göstərən 19 nəfərlik dəyərli münsiflər heyətinə öz təşəkkürünü bildirib. Zakir Əliyev isə qeyd edib: "Öncəliklə, bütün qaliblərimizi təbrik edirəm! Onlara yeni qələbələr və nailiyyətlər arzu edirəm! Növbəti beynəlxalq müsabiqələrimizə isə digər ölkələrin təmsilçilərini də gözləyirik. Azərbaycanı təmsil edəcək komandaları da beynəlxalq müsabiqələrdə görmək istəyirik. Əminik ki, iştirakçılarımız ölkəmizi dünyanın hər yerində layiqincə təmsil edəcəklər".

2025-05-08 15:40:00

Xalqımızın çoxəsrlik mədəniyyət tarixinin əbədiyaşarlığında və inkişafında Ümummilli lider Heydər Əliyevin misilsiz xidmətləri var. Yalnız mədəniyyət deyil, xalqımızın tarixi, onun dünyada tanıdılması və bu kimi ən vacib məsələlər Heydər Əliyevin fəaliyyət sferasının əsas qayəsini təşkil edir. 

2025-05-07 23:14:00

Rusiyada adam öldürməyə cəhd edən azərbaycanlılara hökm oxunub.

2025-05-07 22:06:00

6 may tarixində Azərbaycan Respublikasının Gənclər Fondunun dəstəyi, "Gənclərin Maarifləndirilməsinə Dəstək" İctimai Birliyi və "Gənc Könüllülər" İctimai Birliyinin birgə təşkilatçılığı ilə Şəhriyar adına Mədəniyyət Mərkəzində Ümummilli Lider Heydər Əliyevin 102 illiyinə həsr olunmuş "Heydər Əliyev 102" adlı təntənəli ədəbi-bədii tədbir təşkil edilib. Konsert proqramının keçirilməsində əsas məqsəd müasir, müstəqil Azərbaycanın memarı və qurucusu, dahi siyasi xadim Heydər Əliyevin dövlətçilik tariximizdəki misilsiz xidmətlərini bir daha xatırlatmaq, Ulu Öndərin zəngin irsini gənc nəsil arasında təbliğ etmək olub. Gənclər təşkilatlarının nümayəndələri, könüllülər və tələbələrin iştirak etdiyi tədbirin açılış mərasimində çıxış edən Azərbaycan Respublikasının Gənclər Fondunun icraçı direktor vəzifəsini icra edən Qədir Xəlilov Ümummilli Lider Heydər Əliyevin Azərbaycanın inkişafında və müstəqil dövlət kimi formalaşmasında əvəzsiz xidmətlərindən danışıb. Tədbirin bədii hissəsində Azərbaycanın tanınmış sənətçiləri və gənc ifaçılar səhnəyə çıxaraq Ulu Öndərin sevdiyi vətənpərvərlik ruhunda mahnıları səsləndiriblər. Eyni zamanda, gənclər tərəfindən şeirlər səsləndirilib və rəqs kompozisiyaları nümayiş olunub. Tədbir boyu qonaqlara Ulu Öndərin həyat və fəaliyyəti ilə bağlı videomateriallar təqdim olunub və ölkəmizdə gənclər siyasətinin formalaşmasında gördüyü işlər göstərilib. Tədbirin yekununda xatirə fotosu çəkilib.

2025-05-07 16:36:00

Azərbaycan Dövlət Rəssamlıq Akademiyası, Azərbaycan Radio və Televiziya Verilişləri Qapalı Səhmidar Cəmiyyəti, Xətai Rayon İcra Hakimiyyətinin dəstəyi, Azərbaycan Rəssamlar İttifaqı, Beynəlxalq  Suluboya Cəmiyyəti Azərbaycan Nümayəndəliyi, Naxçıvan Rəssamlar Birliyi, Xətai Uşaq Sənəti Qalereyası və Xətai Sənət Mərkəzinin təşkilatçılığı ilə 28 may - Respublika gününə həsr olunmuş "AZƏRBAYCANIM" Beynəlxalq VIII Uşaq və Gənc Rəsm Festivalı çərçivəsində  elan olunmuş müsabiqənin yekun sərgiləri 13,14,15,16  may tarixlərində Xətai Sənət Mərkəzində açılacaq.

2025-05-07 16:20:00

Mayın 8-i saat 17:00-da yazıçı-dramaturq Hidayətin "Burdan min atlı keçdi" əsərinin motivləri əsasında hazırlanmış "İrəvanda nəyim qaldı..." tamaşasının premyerası baş tutacaq.

2025-05-07 16:20:00

Beynəlxalq Muğam Mərkəzində "Muğam mühazirələri"nin "Zabul segah" a həsr olunan konserti keçirildi. 

2025-05-06 22:55:00

M.Maqomayev adına Azərbaycan Dövlət Akademik Filarmoniyasının səhnəsində Üzeyir Hacıbəyli adına Azərbaycan Dövlət Simfonik Orkestrinin konserti keçirilib. Dirijor Benjamin Yusupovun (İsrail) rəhbərliyi ilə solist - Sarah McElravy (viola, Kanada-Avstriya) dinləyicilər qarşısında çıxış edib.  Proqramda S.Argov Süita, Benjamin Yusupov viola və orkestr üçün 2 nömrəli konsert "Transsendent məhəbbət" (dünya premyerası),  P.İ.Çaykovski 5 nömrəli simfoniya (op.64) səslənib.

2025-05-06 22:14:00

Bakıda maraqlı dələduzluq hadisəsi baş verib.

2025-05-06 21:37:00

29 may tarixindən etibarən Circus Sea Breeze səhnəsində beynəlxalq səviyyəli yeni proqram - "Su və Pələnglər Sirki" təqdim olunacaq. Bu unikal şouda su, işıq, musiqi və emosiyalar bir araya gəlir və səhnə əsl sehrli dünyaya çevrilir. Tamaşada dünyanın müxtəlif ölkələrindən gəlmiş ulduz artistlər çıxış edəcək: su elementli eksklüziv nömrə ilə Avropalı ekvilibrist, Rusiyadan hava gimnastları, Monqolustandan çevik konturisionistlər, Cənubi Amerikadan kanata çıxanlar, qadınlardan ibarət hulahup qrupu və Latın Amerikası klounu səhnədə olacaq. Tədbirin kulminasiyası isə üç fərqli növdən olan pələnglərin iştirakı ilə hazırlanmış unikal çıxışdır - benqal, ağ və nadir çəhrayı pələnglər. Bu dünyada analoqu olmayan nömrəni Monte Karlo Beynəlxalq Sirk Festivalının qalibi, İtaliyanın Əməkdar artisti Bruno Toni təqdim edir. Tədbirin təşkilatçısı, "Sirk Oskarı" mükafatçısı Allahverdi İsrafilov, öz ənənəsinə sadiq qalaraq, şounun ilk gününü valideyn himayəsindən məhrum uşaqlara, sağlamlıq imkanları məhdud olan uşaqlara, şəhid və qazi ailələrinin övladlarına həsr edəcək. Məkan: Circus Sea Breeze Başlama tarixi: 29 may Bilet qiymətləri: 15 - 40 manat Biletləri şəhərin bütün kassalarından və bu keçiddən əldə edə bilərsiniz: iticket.az/events/circus/aqua-tigers-circus "Koroğlu" metrosundan sirkə və geri transfer mövcuddur Proqramın müddəti: 90 dəqiqə Əlaqə nömrəsi: +99455 959 12 12 İnformasiya dəstəyi - Trend.Az, Day.Az, Son.az

2025-05-06 21:22:00

M.Maqomayev adına Azərbaycan Dövlət Akademik Filarmoniyasının Kamera və Orqan Musiqisi Zalının səhnəsində "Orqan musiqisi axşamı" adlı konsert keçirilib. Musiqili gecədə solist - Natəvan Quliyeva (orqan) ilk olaraq dinləyicilər qarşısında dəyərli mühazirə ilə çıxış edib. Eyni zamanda səsləndirdiyi hər ifadan öncə əsər haqqında qısa, məlumat xarakterli informasiya verməsi dinləyicilərin marağını cəlb etdi. Proqramda Azərbaycan və Avropa bəstəkarlarının əsərləri səslənib. İnformasiya dəstəyi - Trend.Az, Day.Az, Son.az

2025-05-06 15:47:00

Mədəniyyət Nazirliyinin nəzdində Mədəni və Yaradıcı Sənayelərin İnkişaf Mərkəzi (Yaradıcı Mərkəz) dəstəyi ilə "Xalçaçı Günü"-nün peşə bayramı şərəfinə bayram mükafatlandırma mərasimi keçirilib. 

2025-05-05 22:43:00

2023-cü il fevralın 16-ı saat 21:10-da Bakının Suraxanı rayonu Əmircan qəsəbəsində evə basqın edilib. Vətəndaş Elman Əsədov DİN 102 xidmətinə zəng edərək, naməlum şəxsin yaşadığı ünvana silahla basqın etməsi və dostları ilə onu tutub, zərərsizləşdirməsi barədə məlumat verib. Saxlanılan şəxs məlumat əsasında hadisə yerinə yollanan 31-ci PB-nin əməkdaşlarına təhvil verilib. Məlum olub ki, o, Bakı şəhər sakini 1989-cu il təvəllüdlü Tahir Hüseynovdur. Ondan qundağı və lüləsi kəsilmiş ov tüfəngi, habelə çantasından 6 ədəd patron, 2 ədəd yapışqanlı lent, papaq və vətəndaş Xəyal Muradova məxsus şəxsiyyət vəsiqəsi götürülüb.

2025-05-05 22:07:00

Azərbaycan Musiqi Mədəniyyəti Dövlət Muzeyində faşizm üzərində Qələbənin 80 illiyinə həsr olunmuş konsert keçirilib.

2025-05-05 18:08:00

Mayın 14-də Azərbaycan Dövlət  Akademik Opera və Balet Teatrı Opera studiyasının səhnəsində Üzeyir Hacıbəylinin çox sevilən və hər zaman populyar olan "O olmasın, bu olsun" tamaşasını nümayiş edəcəkdir.

2025-05-05 17:25:00

Fikrət Əmirov adına Gəncə Dövlət Filarmoniyasında Azərbaycan Milli Konservatoriyasının birgə təşkilatçılığı ilə Əməkdar incəsənət xadimi, professor, bəstəkar Məmmədağa Umudovun "Qarabağ Azərbaycandır" adlı müəllif gecəsi keçirilib. 

2025-05-05 15:15:00

M.Maqomayev adına Azərbaycan Dövlət Akademik Filarmoniyasının "Gənclərə dəstək" layihəsi çərçivəsində, Türkiyənin İstanbul şəhərində yerləşən Marmara Universitesi "Atatürk Eğitim Fakültesi"ndə dahi bəstəkar Üzeyir Hacıbəylinin anadan olmasının 140 illiyinə həsr olunmuş növbəti parlaq konsert baş tutdu.Tədbirdə respublika və beynəlxalq müsabiqələr laureatları, Azərbaycan Milli Konservatoriyası nəzdində İncəsənət Gimnaziyasının şagirdi Surə Rüfət (violin) və Bülbül adına Orta İxtisas Musiqi Məktəbinin şagirdi Xədicə Cahangirova (piano) möhtəşəm konsert proqramı ilə çıxış etdilər. İlk olaraq konsertdə Filarmoniyanın direktor müavini, sənətşünaslıq üzrə fəlsəfə doktoru Ayla Kərimova-Zəkəriyyə bu layihə haqqında ətraflı məlumat verərək, qonaqları və tədbir iştirakçılarını salamladı.

2025-05-05 08:00:00

"Sea Breeze Event Hall"un əsas səhnəsində üç gün davam edən zəngin proqramdan sonra mayın 4-də "Nine Senses Fest"in bağlanış mərasimi keçirilib.

2025-05-04 19:20:00

Azərbaycan Kinematoqrafçılar İttifaqının üzvü, Əməkdar mədəniyyət işçisi Sabir Vəliyev dünyasını dəyişib.

2025-05-04 15:55:00

Gənc xanəndə Rəqsanə Ağayeva Muğam müsabiqəsinin seçimlərinin ədalətli keçirilmədiyini iddia edir.

2025-05-03 12:29:00

Milli Konservatoriyanın prorektoru vəzifəsindən azad edilib.

2025-05-03 11:58:00

Mayın 2-də ölkə ərazisində qeydə alınan 44, əvvəlki dövrlərdən bağlı qalan 15 cinayətin açılması polis əməkdaşları tərəfindən təmin olunub.   

2025-05-03 11:44:00

Vətən müharibəsinə həsr olunan "44" bədii filminin çəkilişləri davam edir.

2025-05-03 10:20:00

Mingəçevir Dövlət Dram Teatrının aktyoru Aydın Quliyev vəfat edib.

2025-05-03 09:50:00

Dövlət Gömrük Komitəsinin Astara Gömrük İdarəsinin əməkdaşlarının həyata keçirdiyi tədbirlər nəticəsində qeyri-adi üsulla - qarpızın içərisində gizlədilərək gömrük sərhədindən keçirilməsinə cəhd göstərilən külli miqdarda narkotik vasitə aşkar edilib.

2025-05-02 23:37:00

Bu gün saat 18:00-19:00 radələrində paytaxt sakini Babayeva Şərafət Azad qızı yaşadığı evdə bıçaqlı hücuma məruz qalıb.

2025-05-02 19:03:00

Fikrət Əmirov adına Gəncə Dövlət Filarmoniyasının təqdim etdiyi "Gəncə və gəncəlilər" layihəsi çərçivəsində görkəmli xanəndə, Göygöl Dövlət Mahnı və Rəqs Ansamblının solisti Rövşən Behcətin əziz xatirəsi yad edilib.  Gecədə Sahil Quliyevin dirijorluğu və bədii rəhbərliyi, Göygöl Dövlət Mahnı və Rəqs Ansamblının müşayiəti ilə Xalq artisti Şahnaz Haşımova, Əməkdar artist Kəmalə Tağızadə, solistlər Zəminə Mustafayeva, Azər Verdiyev,  Şirxan Cahangirov, Samir Məmmədov, İlham Qasımov, Xəyal Əliyev, Əli Məmmədov, Əziz Əhmədov, Seymur Hüseynovun ifasında Cahangir Cahangirov, Oqtay Kazımi, Ələkbər Tağıyev, Nəriman Həsənzadə, Əhsən Dadaşov, Novruz Feyzullayevin "Göygöl", "İntizar", "Ay qız", "Biri sənsən biri mən", "Şikayətim var", "Məhəbbət", "Yandırdı qəlbimi aman" mahnıları səsləndirilib.

2025-05-02 18:48:00

1 may tarixində Azərbaycan Respublikası Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzinin (MEMİM) təşkilatçılığı, Bakı şəhər Mədəniyyət Baş İdarəsinin dəstəyi ilə "Sənətkarın dostu" layihəsi çərçivəsində Azərbaycan Respublikasının Xalq artisti, Rəşid Behbudov adına Dövlət Mahnı Teatrının bədii rəhbəri Salman Qəmbərov ilə görüş keçirilib.

2025-05-02 18:43:00

Zaqatala rayonu ərazisində kütləvi şəkildə qanunsuz ağac kəsmə faktlarının aşkarlanması ilə bağlı Baş prokuror yanında Korrupsiyaya qarşı Mübarizə Baş İdarəsində başlanmış cinayət işinin bir hissədə ibtidai istintaqı yekunlaşdırılıb.

2025-05-02 15:45:00

M.Maqomayev adına Azərbaycan Dövlət Akademik Filarmoniyasının "Gənclərə dəstək" layihəsi çərçivəsində, Azərbaycan Respublikasının Avstriya Respublikasındakı Mədəniyyət Mərkəzində dahi bəstəkar Üzeyir Hacıbəylinin anadan olmasının 140 illiyinə həsr olunmuş parlaq konsert baş tutdu.

2025-05-01 18:10:00

Mədəniyyət Nazirliyinin tabeliyində fəaliyyət göstərən Azərbaycan Kino Agentliyinə müşavir təyinatı olub.